希臘：雅典

今次來臨歐洲，真是喜怒哀樂、甜酸苦辣都試過；今天教訓尤深，學了一個金科玉律：「永遠裝不懂英文，有人搭訕都不應睬，就最安全。」

今天是星期一，卻竟是雅典的「宗教假期」，連美國運通都 13:30 關門。幸好我們乘早車，由 07:00 坐到 10:30 便到了雅典。

哈，赫然發現好多間標名「青年旅舍」（Youth Hostel）的酒店；明知是冒牌，但見不貴，便住下來（Dr$ 2,000 一個人）。

去到憲法廣場，又有人扮帶我們去「旅遊資訊中心」（Tourist Information），其實是 Island Tour 的銷售員。好，又無上當。

結果自己行了上 Akropolis 山，看了幾座神殿，順便住個山頂行了個轉，「望」埋其他名勝。由於太熱，很快便離開了。簡直是「火焰山」。好在今日是假日，入場竟然免費。之後落了 Plaka，見到「詩鞋」（Poet-Scandal）Maker，又見到 Olympics 紀念版 Swatch（Dr$ 4,000），都幾抵。我們嚐了 Giro、Souvalaki（即 Chicken Kebab）加 Pita（薄餅）、Greek Salad、一條椰絲（太甜太難食）及脆皮甜筒！

不可不提的是這裏全是用 Greek Letter，連街名都認不出（都是 Alpha、Omega）；其次是廁所，沖廁和意大利的一樣，個按鈕在水箱底，要向上按，認真啞然。

之後我們回憲法廣場看換班，碰上一個中年男子，操流利英語，問我們來自那裏；得悉我們是香港人，他好像好高興，不斷說泰國人的英文不好，香港人的好，而他則兩個地方都去過，更邀請我們到其「咖啡店」（其實是一間暗黯的酒吧）飲可樂。我們開始提高警覺，到了那「咖啡店」他斟了兩杯可樂，坐在角落的兩個小姐又忽然斟了兩杯，想來陪我們談天。我立即問 How Much？佢話 Dr$ 500，邊說邊開始斟酒給其中一個小姐。我們見勢色不對，便話趕時間要先走，他一邊留我們，一邊寫下 Dr$ 7,000 落張紙度。Bryan 話我們沒有錢，他好惡地說美金也可以。Bryan 拿了 Dr$ 1,200 出來，話得咁多，佢話唔得。我一怒之下便叫 Bryan 走，仲好大聲用中文鬧佢，Bryan 出了門口才想起他聽不懂，回頭再送他一句英文「F U」！

幸好，我看過西歐遊類似的描述，沒有泥足深陷。都好，HK$ 20 杯可樂，見識下人間險惡。Bryan 就慘些，掛住應酬他們的無聊問題，連可樂都無飲過。我因為口渴，所以一口氣飲光，無睬佢地（幸好沒有迷藥，回頭想都幾驚）。

全靠兩個男仔加上夠惡，繼上次被黑人綁手指黨留難之後，我們又一次有驚無險。講真，如果佢夠膽再搞我地，我即刻打鑊金既佢，佢又肥又老，那些女人又「姣絲鄧篤」，除非佢有打手啦！

好，又使晒 D 錢，係時候去超市入貨勒。唉，來到希臘都仲要買罐頭生果（桃），真折墮！

回到「青年旅舍」，發現有好多間「青年旅舍」在左近（我地揀呢間，全因有個「好心人」帶我地來）。隔離房有個穿底褲、紋晒身既男人出入……OK！我地會儘快走（話說仲有人撞過門）！

除了在 Plaka，在有音樂下我忽然覺得似渡假外，雅典真是無乜好留戀。

麥當勞有隻包叫 Royal，成 Dr$ 640 架，仲有些 xx B.C. 既三級陶瓷 Post Card 添。