希臘：米島

今朝食了午餐肉通粉，便起程走到了巴士站隔鄰的 Cafe。老板話是全 Thira 最平，佢都幾過癮，有個女人話他的鮮榨 Lemon Juice 滲太多水，他立即端一杯沒有水的出來！

在 Cafe 還學會了點整 Monsaka：先放羊肉碎、茄子和薯仔在底下，上加芝士，再灑上芝士粉。

不過個 Hotel 老板娘都唔好，話我地瞓得一晚，收左我地 Dr$5,000！

我們在 Cafe 飲了杯野，便買船票，竟因此找到有 Fax 機的 OTE，即刻嚐試 Fax 機票。嘩，四頁紙 Fax 了七分鐘，成 HK$ 60！好，佢話明天有機，17:30，我們家陣出緊 Mykonos，21:30 到；明早 10:45 有船返雅典，約 15:45 到；15:30 開始 Check-In，追不追到就看造化了。

上了去 Mykonos，我地照舊竄入頭等，點知無冷氣，仲熱過焗爐！惟有等日落才上船艙。

上了船，又碰到上次班香港人。哈，仙島真是冇乜野睇，而家一齊去米島啦！

我還發現，愛琴海的海水真是藍色的！